十月開始平均一個星期病一次,
差唔多好番又病。
但我還在,
表示生命力頑強
很好
=)
－－－－－－－－－－－－－－－
街上的貓貓都比波波還肥大及強壯，
為什麼呢？
因為物似主人型
=)
－－－－－－－－－－－－－－－
我: 「媽媽，我塊面好肥」
媽媽: 「肥咪攞d面油紙索下佢攞」
我: 「唔係話呢d肥呀...」
這是不是時代差呢...?
=)
－－－－－－－－－－－－－－－
我: 「肥寶呀, 究竟人類進化既時候, 係因為聰明左所以冇左野獸既求生技能，定係因為冇左野獸既求生技能所以被迫變聰明左呢?」
肥寶: 「你講咩呀? 唔明...」
我: 「例如掟你去深山，你要生存, 一係你有好似老虎既尖牙利爪梨搵野食, 一係你識得運用腦力整d工具梨輔助你去搵野食, 咁你就唔洗死。 但你係冇左尖牙利爪先識用工具，定係你有左工具先冇左尖牙利爪呢?」
肥寶: 「嘩你呢個雞同雞蛋既問題, 科學家都未必答到你wor，睇梨你要研究下。」
=)
－－－－－－－－－－－－－－－
終於影完畢業相, 因為要還袍
家人比我還興奮...
我卻期待下一個畢業
三年!!
=)
－－－－－－－－－－－－－－－
發現自己對家人比以前肉麻,
重嚇親婆婆同爸b...
皆因媽媽叫我給父親大人一個抱抱,
卻得來一個耍手擰頭。
想給婆婆一個英國式問好,
可愛的婆婆卻大笑道「呀姍想同我英國式wor!」
=)
－－－－－－－－－－－－－－－
童軍集會，好久沒有回去,
昨天因跟呀sir約好影畢業相, 便走了一敞。
慨嘆，以前萬人空巷的禮堂，
昨天卻寥寥可數得小貓咪三兩隻。
最心痛莫過於見到呀sir突然老左好多，
多左白頭髮，多了好幾條滄桑的魚尾紋。
呀 sir呢兩年好錫我...令我不禁想
「呀sir唔係到既時候點算呢...」
朋友話, 人人都會有呢一日, 驚得幾多
對!
嗯..
等我,我會番梨幫旅團包裝包裝，
童軍唔係咁架!!!!!!!
=)
－－－－－－－－－－－－－－－
何謂盡左力?
一個醫生，未用晒所有方法去醫佢既病人，
病人死左既話, 就係因為醫生未盡力。
如果醫生用了所有佢已知及佢可reach到既方法去醫病人,
冇斷左症, 對症下藥都唔可以救得番病人，
咁個醫生就可以正式宣佈病人certified,
並同病人既家人講: 「對唔住, 我地已經盡左力, 你節哀順變啦」。
醫生亦盡了他的責任。
就算AP病得有多重，
我們還未用盡所有方法，
我們仍不能宣佈AP certified。
AP的家人還在等!
yes we can!
同志, 我們仍需努力!
=)
－－－－－－－－－－－－－－－
Comments (1)
很抱歉那天因為要上班沒有接你的電話。不知何時開始有了個壞習慣，就是不回覆missing call!! 轉眼間，原來你已經畢業了。我腦海中浮現的境像還是會考放榜時，我、你還有珍。那時你16分，我很記得的。輾轉間，我們三個都過著各有各忙的大學生活。這幾年，我好像得到了很多，卻失去了一些，然後又忘記了一些。特別是你，和你一起的時空好像停頓了。那些日子，變得有點不真實，我也開始想，到底那個是不是我呢﹖有時很想起你，心 覺得痛。你恍惚生活在我心中一個不可捉碰的地方。我不容許別人打擾你，包括我自己。有東西跌在後，但人的生活就不停不停的推向前，那種遺憾.....希望你過得好!我和你一樣，都是愛童軍，愛law sir的!